அஸ்ஸலாமு அலைக்கும் வரஹ்…
அல்லாஹ்வின் மாபெரும் கிருபையைக் கொண்டு வெள்ளி விழாவை கடந்து பொன் விழாவை நோக்கி சிறப்பாக செயலாற்றி வரும் நமது முத்துப்பேட்டை இஸ்லாமிய நல சங்கத்தின் பொது சேவைகளின் முக்கியத்துவம் பெற்ற ரமலான் மாதத்தில் பித்ரா அரிசி வினியோக திட்டம் வழக்கம் போல் இந்த ஆண்டும் மிக சிறப்பாக செயல்படுத்தப்பட்டது.
இதற்காக இவ்வாண்டு ரூ 1,83,000.00 (ஒரு லட்சத்து எம்பத்திமூன்றாயிரம்) வசூல் செய்யப்பட்டு நமது சங்கத்தின் பிரதிநிதிகள் மற்றும் உறுப்பினர்களின் ஒத்துழைப்போடு முத்துப்பேட்டை மற்றும் பாலாவை, சித்தமல்லி, எடையூர் சங்கேந்தி, நெடும்பலம் ஆகிய ஊர்களுக்கும் 5 கிலோ அரிசி மற்றும் 50.00 ரூபாய் ரொக்கம் வீதம் சுமார் 945 குடும்பங்களுக்கு அனைத்து முஹல்லாவாசிகளின் முழு ஒத்துழைப்போடு மிக சிறப்பான முறையில் வினியோகம் செய்யப்பட்டுள்ளது என்பதை இதன் மூலம் தெரியப்படுத்திக் கொள்கிறோம்.
சேவை நோக்கோடு பித்ரா வழங்கி எல்லா வகையிலும் நமது சங்கத்திற்கு ஒத்துழைப்பு நல்கிவரும் அனைவருக்கும் நமது சங்கத்தின் சார்பாக நன்றியினை தெரிவித்துக்கொள்கிறோம்.அறப்பணிகளை அன்றாடப்பணியாக செயல்படுத்திக் கொண்டிருக்கும் நமது சங்கத்தின் நற்சேவைகள் தொடர துஆ செய்து ஒத்துழைப்பு நல்கி உதவிட வேண்டுமாய் அனைவரையும் அன்புடன் கேட்டுக் கொள்கிறோம்.
சங்கமெனும் கூண்டிற்குள் சங்கமித்த நாம் சன்மார்க்க வழிநடந்து சமுதாய நற்பணியில் சாதனைகள் புரிந்து சமத்துவம் படைக்க வல்லோனை வணங்கி வேண்டுகிறோம்…!
முத்துப்பேட்டை இஸ்லாமிய நலசங்கம் - துபை கமிட்டி
No comments:
Post a Comment
Note: Only a member of this blog may post a comment.